Nú hefur verið komið upp nýrri vefsíðu á vefslóðinni http://www.adventistar.is

Ef þú lendir enn þá inn á þessari síðu þarftu að uppfæra vefslóðina eða bókamerkið frá slóðinni http://sda.is yfir í http://www.adventistar.is

En verður þessi vefur uppi fyrst um sinn til þess að hægt sé að færa efni á milli.

Takk fyrir þann gamla, sjáumst á þeim nýja ;)

Árshátíðin í ár er haldin að frumkvæði ungafólksins.
Hún verður á laugardagskvöldið næstkomandi þann 6. mars. kl. 18:30 í Loftsalnum, Hólshrauni 3, Hafnarfirði.
Boðið er upp á hlaðborð og eru
20 - 30 ára beðnir um að koma með salat og brauð,
31 - 55 ára eru beðnir um að koma með aðalrétt og
56 ára og eldri eru beðnir um að koma með eftirrétt.

Þemað í ár er allt sem tengist hinni litríku menningu Hawaii,
og eru menn hvattir til þess að mæta í litríkum fötum með eða án sólhatts :)

Ef einhver lumar á atriði /skemmtiatriði má hafa samband við Stefán Rafn Stefánsson í síma 8697853.
Verð er 0 kr.
Vonast er til góðrar þátttöku og að ungir sem aldnir geti átt góða kvöldstund saman.

Kvennamót í Hlíðardalsskóla helgina 12.-14. mars 2010.
Fyrirlesari: Dr. Arlene Taylor PhD
Sérfræðingur um starfsemi heilans.

Dr. Arlene Taylor er stofnandi og forstjóri "Realizations Inc."
Hún er meðal fremstu fyrirlesara í heimi um starfsemi heilans.
Hún hefur skrifað bækur, gefið út hljóðdiska, myndiska (DVD),
starfað við ráðgjöf, þjálfun og komið fram í sjónvarpi og útvarpi.
sjá vefsíðu: www.arlenetaylor.org

Dagsksrá:
Föstudagskvöld: Lærðu að þekkja heilastarfsemi þína
Hvíldardagsmorgun: Máttur bænarinnar
Hvíldardagseftirmiðdagur: Máttur viðbragða
Laugardagskvöld: Kímni og heilastarfsemin
Sunnudagsmorgun: Kynjamismunur

Einnig verður hægt að fá einkaviðtal við Arlene.


Skráning hjá:
Úllu í Hafnarfirði 6902604

Sonja Riedmann í Reykjavík 566 8521 og 5668520
Íris Ósk í Árnesi 618 9072

Sólveigu Hjördísi á Akureyri 847 2541

Ericu í Vestmannaeyjum 481 3004 eða 692 1413

Karen A. á Suðurnesjum 423 7404 eftir kl. 18:00 á kvöldin


Verð fyrir gistingu, mat og fyrirlestra kr. 7500-

Við hvetjum ykkur til að koma og eiga ánægjulega
og uppbyggilega helgi saman.

Áhugahópur um kvennastarf.

Spurningakeppnin Jesús lifir verður nú haldin í 10. sinn.
Keppnin verður með sama sniði og í fyrra. Undanúrslit verða laugardaginn 13. mars kl. 17.00 - 18.30 í Árbæjarkirkju og úrslitakeppnin verður sunnudaginn 14. mars kl. 13.00 - 15.00 í Íslensku Kristskirkjunni. Það eru allir hjartanlega velkomnir að koma og fylgjast með. Því fleiri því skemmtilegra.

Lið Aðventkirkjunnar skipa Róbert A Lopez Jack, Aníta Sif Eiríksdóttir og Kjartan Brynjarsson.

Lið Suðurhlíðarskóla skipa Guðbjörg María Guðmundsdóttir, Halldór Anton Jóhannesson og Jón Steinar Arnarson.

Höfundur spurninganna í ár er Stefán Rafn Stefánsson.

Á miðvikudögum er í gangi gönguklúbbur sem hittist yfirleitt við Árbæjarlaugina kl. 20.00 og gengur þaðan í c.a. 60 mínútur.
Við höfum verið nokkrar konur frá söfnuðinum í Hafnarfirði en það eru allir velkomnir að vera með.
Við höfum góð og háleit markmið ; )
Vonandi bætast fleiri í hópinn.

Steinunn, Íris Ólafsd, Marcia, Kristín og Karitas.

Leshópur hittist á þriðjudögum kl. 20.00 í Loftsalnum.
Við erum að fara yfir Opinberunarbókina með stuðningi af gömlu námskeiðunum.
Þetta er mjög spennandi efni.
Það eru allir velkomnir.

Steinunn H Theodórsdóttir.

Hef fengið frábært efni frá deildinni sem kallast "Women in the Bible and me" eða "Konur Biblíunnar og ég". Þetta er tilvalið til að hafa sem grunn að kvennakvöldum í kirkjunni og ætla þær í Vestmannaeyjum einmitt að byrja í næstu viku. Þetta er aðgengilegt efni og gott fyrir leikmenn/konur til að byggja upp samfélag í sinni heimabyggð. Er þetta ekki einmitt það sem þig vantaði til að byrja með skemmtilegan kvennaklúbb í þinni kirkju? Hafðu samband við thora@adventistar.is

Ertu til í að: Heimsækja fólk, spjalla í síma, segja barnasögu, vera dyravörður, taka gjafir, þrífa, sjá um súpuna, hjálpa til með borðhaldið/uppvaskið, skrifa á jólakort og svo framvegis...

Endilega hafðu samband við skrifstofuna, prestana eða formann þíns safnaðar og láttu vita að þú getir hugsað þér að taka þátt.